"Интернетсіз бір күн"

26 қаңтар 2020 жылы мектебімізде республикалық
«Мен OFFLINE (оффлайн)» акциясы ұйымдастырылды. Акцияның мақсаты – интернетке тәуелділіктің алдын алу, кәмелетке толмағандардың интернет-белсенділігін бақылауға қатысты интернет-қызметтерді ересек пайдаланушылардың жауапкершілігін, интернет-пайдалану мәдениетін арттыру.
Осыған орай мектебімізде жоспар құрылып, жоспар бойынша жұмыс атқарылды. «Халықаралық интернетсіз күн» тақырыбында оқушылармен сынып сағаттары өткізілді. Сынып сағаттары барысында оқушыларға ғаламторды дұрыс пайдалану жолдары, зияны мен пайдасы туралы түсінік беріліп, оқушылар өзара топтарға бөлініп пікір-таласты. 1-4 сынып оқушылары арасында «Мен күнімді интернетсіз қалай өткіздім?» атты суреттер байқауы ұйымдастырылды. Барлық оқушылар белсене қатысып, суреттер көрмесі ұйымдастырылды.
- 5-11 сынып оқушылары арасында «Мен OFFLINE» тақырыбында эссе байқауы ұйымдастырылды.