«Өзін-өзі тану: Махаббат пен Шығармашылық педагогикасы» атты онкүндік өз мәресіне де жетті.

Мектебімізде «Өзін-өзі тану: Махаббат пен Шығармашылық педагогикасы» атты онкүндік өз мәресіне де жетті. Онкүндіктің барысында балалар мен жастардың рухани адамгершілік тәрбиелеу жүйесін дамыту, олардың азаматтық мәдениет дағдыларын жетілдіру мақсаттары ескеріле отырып, әртүрлі шаралар ұйымдастырылып өткізілді. Олар: «Сүйіспеншілік - өмір негізі», «Өзін- өзі тану- сүйіспеншілік пен жақсылық жолы», «Өзінді және басқаларды құрметтеуді үйренеміз», «Әрдайым көмектес,ешқашан зиян келтірме» /1-4
сыныптар/, «Отбасы татулығы» /5-сынып/, «Балаға жүрек жылуы» /6-11 сыныптар/
тақырыбында ашық сабақтар, «Руханилықтың мөлдір бұлағы» атты 1-7сыныптар арасында көрме, «Қайырымдылық жер бетінде»- атты флеш-моб. Сонымен қатар, мейірім шуағымен өзгелерді де нұрландыруда, көмекке, ізгілікке зәру жандарға қолдан келгенше көмектесу, ізгілікті іске баулу, дұрыс әрекет етуге тәрбиелеу мақсатында «Жүректен жүрекке», «Мейірімді жүректер ынтымақтастығы» атты қайырымдылық акциясы ұйымдастырылды. Жоғарғы сынып оқушылары ауылымыздың тұрғыны, жалғызбасты Асаубаева Алияның ауласын қардан тазалауға көмектерін берді.